Тоҷикистону Фаронса анҷуман созмон медиҳанд
Душанбе, 03.07.2014.(АМИТ «Ховар», Марзия Саидзода).-Ояндаи наздик анҷумани дӯстии «Тоҷикистон- Фаронса» таъсис дода хоҳад шуд. Ин ва дигар масоили марбут ба таҳкими дӯстӣ ва равобити фарҳангии Тоҷикистону Фаронса дар меҳвари мулоқоти Сайдулло Хайруллоев -раиси Ҷамъияти дӯстӣ ва равобити фарҳангии Тоҷикистон бо кишварҳои хориҷӣ (ҶДРФТ) ва Дидйе Леруа -Сафири Фавқулода ва Мухтори Ҷумҳурии Фаронса дар Ҷумҳурии Тоҷикистон қарор дошт. С. Хайруллоев роҷеъ ба таърихи фаъолияти ҷамъият ибрози назар намуда, гуфт, ки алҳол дар назди ҶДРФТ 19 анҷумани дӯстӣ ва ҳамкорӣ фаъолият дорад. «Ҳадафи ин анҷуманҳо таҳкими дӯстӣ, робитаҳои фарҳангӣ ва илмию адабии Тоҷикистон бо кишварҳои хориҷист», афзуд С. Хайруллоев. Зикр шуд, ки дар доираи ташкили анҷумани дӯстии «Тоҷикистон- Фаронса» ҳамкорӣ байни олимону донишмандони ҳар ду кишвар ва табодули таҷриба дар бахши илм ба роҳ монда мешавад. Дипломати фаронсавӣ Дидйе Леруа иқдоми Раёсати ҶДРФТ-ро ҷиҳати созмон додани анҷумани дӯстии «Тоҷикистон -Фаронса» муҳим арзёбӣ намуда, гуфт, ки ташкили ин ниҳоди фарҳангӣ барои тақвияти ҳамкориҳо дар бахши илму фарҳанги Тоҷикистону Фаронса нақши муассир хоҳад гузошт.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






