Тоҷикматлубот: ҳамарӯза 193 адад ярмарка дар барои танзими нарх

Душанбе, 18.07.2014. (АМИТ «Ховар», Зарангези Латиф).- Раёсати Иттифоқи Тоҷикматлубот барои таъмини аҳолӣ бо молу маводи ниёзи мардум дар моҳи шарифи Рамазон қарор қабул намуд. Мутобиқи қарор дар ҳар як ташкилоту хоҷагиҳои соҳа захираи доимии маҳсулот аз ҷумла : 20-25 тоннагӣ картошка, пиёз ва сабзӣ , 5-10 тонна, маҳсулот ярмаю лубиёгӣ , ташкил намуда инчунин парвариши 20-25 сари чорвои калоу майда ба роҳ монда шуд,- гуфт зимни нишасти матбуотӣ раиси Иттифоқи Тоҷикматлубот Сироҷиддин Валиев.С. Валиев ҳамчунин зикр намуд, ки бо мақсади танзим намудани нархи гӯшти гов то 34 сомонӣ ва гӯсфанд то 35 сомонӣ муайян карда шуд.Гуфта шуд, ки айни замон , ҳамарӯза 193 адад ярмарка барои танзими нарх дар маркази вилоятҳо, шаҳру навоҳии ҷумҳурӣ фаъолият доранд. Дар бозори «Шоҳмансур» — и пойтахт бошад, 2 адад нуқтаи фурӯши гӯшт ташкил карда шудааст, ки ҳамарӯза ба миқдори 1500 килограммӣ гӯшти гов бо нархи 32 сомонӣ ба фурӯш бароварда мешавад ва ин нисбат ба нархи бозор 12-15 фоиз арзонтар мебошад ва бо ин мақсад , 257 сар чорвои калон ва 421 сар чорвои майда харид карда шуд.