Убайдулло Қурбонов: 148 нафар донишҷӯйи ДДТТ хориҷ гардид

Душанбе, 25.07.2014. (АМИТ «Ховар», Зарангези Латиф).- Имсол Донишгоҳи давлатии тиббии Тоҷикистон ба номи Абуалӣ Ибни Сино 75-сола мешавад, гуфт дар ҷараёни нишасти хабарӣ Ректори донишгоҳ Убайдулло Қурбонов.Дар давоми 75 соли мавҷудияташ муассисаи мазкур бештар аз 36 ҳазор мутахассисони соҳибмаълумотро тарбия намудааст. Дар соли таҳсили 2013-2014 бошад, миқдори донишҷӯёне, ки бо баҳои хубу аъло сессияро ҷамъбаст кардаанд 1480 нафар мебошанд, афзуд ректори Донишгоҳ.Мавсуф ҳамчунин қайд намуд, ки аз рӯи ҷамъбасти давраи фаъоли сессияи тобистона аз донишгоҳ 25 нафар донишҷӯ хориҷ карда шуданд. Дар маҷмӯъ, дар нимсолаи аввали соли 2014 ҳамагӣ 148 нафар донишҷӯ аз донишгоҳ хориҷ карда шуданд.