Вазифаи нави Абдураҳмон Қодирӣ

Душанбе, 24.07.2014. (АМИТ «Ховар», Мавҷуда Анварӣ). — Раиси вилояти Суғд Абдураҳмон Қодирӣ раиси Федератсияи футболи вилояти Суғд (ФФС) интихоб гардид. Ин қарор дар конфронси ғайринавбатии интихобии Федератсияи футболи вилоят ба тасвиб расид. Дар конфронс асосан ду масъала -интихоби раис ва муовини ФФС мавриди баррасӣ қарор гирифт.  Ҳамчунин Рустам Марофиев — муовини раиси ФФС интихоб гардид. Боиси қаноатмандист, ки аз соли 2013 инҷониб чемпионати вилояти Суғд мақоми лигаи якумро гирифт ва айни замон дар он 12 даста иштирок менамояд. Ҳамчунин дар лигаи олии кишвар се дастаи вилоят “Хуҷанд” — и шаҳри Хуҷанд, “Далерон-Уротеппа” — и шаҳри Иставрашан ва “Парвоз” — и ноҳияи Бобоҷон Ғафуров ҳунарнамоӣ доранд.
Дар ин бора ба АМИТ «Ховар» аз Хадамоти матбуоти раиси вилояти Суғд хабар доданд.