Вазорат барои журналистон озмун эълон кард

Июль 10, 2014 15:28

Душанбе, 10.07.2014.(АМИТ «Ховар», Марзия Саидзода).- Вазорати рушди иқтисод ва савдои Ҷумҳурии Тоҷикистон дар ҳамкорӣ бо намояндагии доимии Барномаи Рушди Созмони Миллали Муттаҳид /СММ/ дар Тоҷикистон дар мавзӯи «Раванди татбиқи Стратегияи баланд бардоштани сатҳи некӯаҳволии мардуми Тоҷикистон барои солҳои 2013-2015» озмун эълон менамояд.Дар озмун хабарнигорони телевизион, радио, рӯзномаю маҷалла ва сомонаҳои иттилоотӣ ҳуқуқи иштирок карданро доранд. Тавре аз Вазорати рушди иқтисод ва савдои кишвар ба АМИТ “Ховар” иттилоъ доданд, маводҳои ба озмун пешниҳодшаванда бояд ҷараёни амалишавии “Стратегияи баланд бардоштани сатҳи некӯаҳволии мардуми Тоҷикистонро барои солҳои 2013-2015”бо назардошти матритсаи тадбирҳои стратегӣ ва дар ин давра татбиқ гардидани лоиҳаҳоро инъикос намоянд. Маводҳо бояд аз ҷониби рӯзноманигорон бо забонҳои тоҷикию русӣ таҳия ва пешниҳод карда шаванд. Дар озмун ба маводҳое, ки муҳтавои таҳлилӣ доранд, афзалият дода мешаванд. Барои беҳтарин мақола дар рӯзнома се ҷоиза: 200 $, 150 $ ва 100 $, барои беҳтарин барномаи радиоӣ: 170 $, 140 $ ва 100 $, барои беҳтарин барномаи телевизионӣ: 250 $, 150 $ ва 100 $ ва ба ғолибони беҳтарин маводи интернетӣ бошад 100 $, 80 $ ва 70 $ мукофотпулӣ муқаррар гардидааст. Озмун то 30 сентябри соли 2014 идома ёфта, бояд маводҳои пешниҳодшаванда тавассути радиою телевизион пахш ва дар матбуоти даврӣ нашр гардида бошанд. Барномаҳои радиоӣ ва телевизионӣ бояд ба озмун дар се диск (формати mp3 ва DVD) ва мақолаҳои дар матбуот чоп гардида бо се нусхаи рӯзнома ва маводҳое, ки дар сомонаҳои иттилоот нашр шудаанд, бо се нусхаи акси саҳифа пешниҳод карда шаванд.

Июль 10, 2014 15:28

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд