Вазорати кишоварзӣ: саршумори чорвои калон 159452 сар

Душанбе, 17.07.2014. (АМИТ «Ховар», Зарангези Латиф).- Рафти иҷрои Барномаҳои барқарорсозӣ ва рушди соҳаҳои занбӯрпарварӣ, паррандапарварӣ, моҳипарварӣ, зотпарварӣ ва хушзоткунии чорво, қутоспарварӣ, асппарварӣ, беҳтар намудани ҳолат ва самаранок истифода бурдани чарогоҳҳои Ҷумҳурии Тоҷикистон амалӣ гардида, таҳти назорат қарор дорад, зикр намуд муовини аввали вазири кишоварзии кишвар Давлаталӣ Ҳотамов зимни нишасти хабарӣ. Ҳамчунин қайд намуд, ки дар 6 моҳи соли ҷорӣ дар ҳамаи шаклҳои хоҷагидорӣ истеҳсоли гӯшт-60520, шир-319581, пашм-3956 тонна, асал-500,5, гӯшти моҳӣ-330,7 тонна ва тухм 152 млн. дона расонида шуд, ки нисбат ба ҳамин давраи соли гузашта мутаносибан аз 3,1 фоиз то 8,5 фоиз зиёд шудааст.Инчунин дар давраи ҳисоботӣ дар хоҷагиҳои ҷамоавӣ ва деҳқонӣ (фермерӣ) саршумори чорвои калон-159452 сар, аз ҷумла модагов -44713 сар, гӯсфанду буз-983019, асп-21377 ва парранда-2010577 сар мавҷуд мебошад, ки нисбат ба ҳамин давраи соли гузашта аз 1,0 то 4,9 фоиз зиёд шудааст, иброз дошт Давлаталӣ Ҳотамов.