Ятимдухтарон дар «Чароғи ҳидоят» касб меомӯзанд

Душанбе, 18.07.2014. (АМИТ «Ховар», Раъно Нусратуллозода).-Омӯзиш ва бозомӯзии касбӣ яке аз омилҳои муассир дар танзими масъалаҳои бозори меҳнат ва шуғли аҳолӣ ба ҳисоб меравад, зикр намуд вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағоева, зимни нишасти матбуотӣ оид ба фаъолияти нимсолаи вазорат. Дар шаш моҳи сипаригашта дар маҷмӯъ 58 ҳазору 303 нафар шаҳвандони бекор, корҷӯй ва муҳоҷирони меҳнатӣ ба тайёрии касбӣ, такмили ихтисос, бозомӯзӣ ва шаҳодатномакунонии малакаҳои касбӣ фаро гирифта шудаанд, ки 58 фоизи нақшаи солонаро ташкил медиҳад.Сумангул Тағоева гуфт, ки ҳамзамон КВД «Маркази таълимии шаҳри Душанбе» дар ҳамкорӣ бо Кумитаи кор бо занон ва оилаи назди Ҳукумати Ҷумҳурии Тоҷикистон теъдоди 60 нафар ятимдухтарон, ноболиғон, ки бошандагони Маркази таълимии «Чароғи ҳидоят» мебошанд, ба омӯзиши касбҳои қаннодӣ, дӯзандагӣ ва асосҳои омӯзиши компютерӣ ҷалб карда шудаанд.