Зиёда аз 1 млрд. барои корҳои сохтмонию васлгарӣ

Душанбе,16.07.2014. (АМИТ «Ховар», Муқаддас Темурзода).- «Инвестицияи сармояи асосӣ аз ҳисоби ҳамаи манбаҳои сармоядиҳӣ ба маблағи 2 миллиарду 833 миллион сомонӣ истифода шудааст, ки нисбат ба ҳамин давраи соли гузашта 128,4 фоизро ташкил медиҳад»,- иброз дошт раиси Кумитаи меъморӣ ва сохтмони назди Ҳукумати ҶТ Абдували Комилзода имрӯз зимни нишасти матбуотӣ.Раиси Кумита ҳамчунин афзуд, ки дар ин муддат ба масоҳати умумии 307 ҳазору 300 метри мураббаъ хонаҳои истиқоматӣ ба истифода дода шуда, фондҳои асосӣ ба маблағи 686 миллиону 800 ҳазор сомонӣ ба кор андохта шуд. Иҷроиши корҳои сохтмонию васлгарӣ бошад, 1 миллиарду 608 миллиону 700 ҳазор сомониро ташкил доданд.