Ғолибони Чемпионати ҷаҳон оид ба таэквандо

Август 9, 2014 10:19

Душанбе, 9.08.2014. (АМИТ «Ховар», Зарангези Латиф).- 7-уми августи соли 2014 дар Маҷмааи варзишии Кумитаи андози назди Ҳукумати Ҷумҳурии Тоҷикистон Чемпионати ҷаҳон оид ба таэквандо идома дорад. Варзишгарони тоҷик дар қатори дигар варзишгарон дар сабқатҳо барои гирифтани ҷойҳои намоён талош варзиданд.Дар намуди муҳорибаи якҳарба байни собиқадорон Фурқат Урунов ҷои аввалро соҳиб гардид. Ба ифтихори ин варзишгари тоҷик парчами Ҷумҳурии Тоҷикистон дар байни 52 давлати ҷаҳон баланд бардошта шуд ва Суруди милли Ҷумҳурии Тоҷикистон садо дод.Дар муҳорибаи якҳарба байни духтарони наврас дараҷаи 2-юм Ҳуснида Разоқова ба гирифтани ҷои дуюм сазовор гардид.Ҳамзамон дар муҳорибаи якҳарбаи дараҷаи 3 байни духтарон Гулноз Ҳоҷиева ҷои сеюмро сазовор гардид.Дар намуди муҳорибаҳои гуруҳӣ дастаи варзишгарони навраси Тоҷикистон ҷои сеюмро соҳиб шуданд. Ёдовар мешавем, ки Чемпионати ҷаҳон оид ба таэквандо дар Маҷмааи варзишии Кумитаи андози назди Ҳукумати Ҷумҳурии Тоҷикистон идома дорад. Аз ғолибият ва дастовардҳои варзишгарони Ҷумҳурии Тоҷикистон дар рўзҳои дигар хабар хоҳем дод.
Дар ин бора аз бахши иттилооти Кумитаи чавонон хабар додан.

Август 9, 2014 10:19

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд