Ҳамкорӣ-дар бахши боздошти сил дар Тоҷикистон
Душанбе, 4.08.2014. (АМИТ «Ховар», Мавҷуда Анварӣ). -Ҳафтаи гузашта дар шаҳри Душанбе Конфронси таъсисии Коалитсияи «Ҳамкории боздошти сил дар Тоҷикистон», ки беморони сил, шахсони аз сил шифо ёфта, наздикони онҳо ва ташкилотҳои зидди сил амалкунандаро муттаҳид мекунад, баргузор гардид.Дар асоси омори Ташкилоти умумиҷаҳонии Тандурустӣ, Тоҷикистон аз назари гаронии бемории сил ба яке аз мамлакатҳои назоратшавандаи ин беморӣ дар минтақаи Аврупоии ТУТ дохил мешавад. Мутобиқи омори расмии давлатӣ дар чор соли охир сатҳи паҳншавии бемории сил паст шуда истодааст. Вале ин сатҳ барои расидан ба Ҳадафҳои Рушди Ҳазорсола кифоя нест.Ҷиддияти вазъият ва тамоюли рушди бемории сил, махсусан бемории сили шакли мутобиқгашта ва бемории сили шакли мутобиқгаштаи васеъ дар ҶТ ҳамбастагии кушишҳоро бо мақсади қонеъ гардонидани талаботҳои беморони сил, шахсони аз сил шифо ёфта, наздикони онҳо ва ноил шудан ба дигар вазифаҳои дурнамо ва барномаҳои зидди бемории силро талаб менамояд.Дар кори конфронс беш аз 50 нафар гирифторони бемории сил, шахсони аз сил шифо ёфта, наздикони онҳо ва ташкилотҳои ҳавасманди зидди сил амалкунанда ширкат намуда, аз таҷрибаи худ дар самти табобати ин беморӣ сухан ронданд.Конфронс бо ҳамкории Маркази ҷумҳуриявии ҳимояи аҳолӣ аз бемориҳои сил ва Ташкилоти байналхалқии «Лоиҳаи ХОУП» дар доираи лоиҳаи ЮСАИД «Тандурустии босифат» доир гардид.