Ҳимояи моликияти зеҳнии аҳли ИДМ дар Душанбе

Душанбе, 18.08.2014 (АМИТ “Ховар”, Фарзонаи Давлат).- “Низоми моликияти зеҳнӣ ва роҳҳои рушди он” таҳти чунин ном рӯзи 20-уми августи соли равон дар Вазорати рушди иқтисод ва савдои Тоҷикистон ҷаласаи 3-юми Шӯрои байни давлатӣ оид ба ҳифз ва ҳимояи моликияти зеҳнӣ баргузор мешавад.
Тавре ки дар ин бора аз Муассисаи давлатии “Маркази миллии патенту иттилоот”-и Вазорати рушди иқтисод ва савдо хабар доданд, дар кори ҷаласа намояндагони кишварҳои Арманистон, Беларус, Қазоқистон, Қирғизистон,Молдова, Озарбойҷон, Ӯзбекистон ва Федератсияи Русия иштирок хоҳанд кард.
Гуфта мешавад, ки дар назар аст дар семинар намояндагони ташкилотҳои байналмилалии Созмони умумиҷаҳонии моликияти зеҳнӣ (СУМЗ), Идораи патентии АвруОсиёгӣ (ИПАО) ва Кумитаи иҷроияи Итиҳоди давлатҳои мустақил низ ширкат варзанд.