Ҷамъомади омӯзиши оид ба ҷашни 20-солагии Кониститутсия

Душанбе, 05.08.2014 (АМИТ “Ховар”, Фарзонаи Давлат).-Дирӯз дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо мақсади иҷрои қарори Ҳукумати Ҷумҳурии Тоҷикистон “Дар бораи Нақшаи чорабиниҳо оид ба таҷлили 20-солагии Конститутсияи Тоҷикистон” ва қарори Ҳукумати Ҷумҳурии Тоҷикистон “Дар бораи Нақшаи чорабиниҳо оид ба иҷрои вазифаҳое, ки дар Паёми Президент ба Маҷлиси Олии Ҷумҳурии Тоҷикистон зикр гардидаааст, ҷамъомади омӯзишӣ баргузор гардид. Тавре ки дар ин бора аз Кумитаи мазкур хабар доданд, дар ҷамъомад роҳбарону кормандони дастгоҳи марказӣ ва сохторҳои тобеи Кумита иштирок намуданд. Ҷамъомадро муовини якуми раиси Кумита Лочин Файзуллоев кушода, оид ба санаи муҳими таърихию сиёсӣ — Конститутсияи Ҷумҳурии Тоҷикистон суханрони намуд. Ҳамчунин дар нишаст дигар иштирокчиён оид ба мавзуй конститутсия баромад карда, ин санади асосиро , ки муайянкунандаи шоҳроҳи ҳаёти ҳар давлату кишвар ва ҷомеаи мутамаддину мамолики мутараққӣ ба ҳисоб меравад ба баррасӣ кашида, зикр гардидааст, ки дигар ҳама санадҳо дар асос ва доираи раводиди он таҳияву қабул карда мешаванд. Зеро санади меъёрии ҳуқуқие, ки ба Конститутсия муфовиқ нест ё ба он хилофат мекунад қувва ва ё эътибори ҳуқуқӣ надорад. Дар охир муовини раиси Кумита Анвар Наҷмиддинов ҷамъомадро ҳусни хотима бахшида, иброз дошт, ки ин санад барои мардуми мо санади тақдирсоз аст. Ҳар як тоҷику тоҷикистонӣ онро азизу муқаддас меҳисобад. Ва умед аст, ки он бардавому поянда барои Тоҷикистону тоҷикистониён хидмат мекунад.