Ҷарроҳони Олмон ба Тоҷикистон меоянд

Душанбе, 22.08.2014. (АМИТ «Ховар», Елена  Батенкова). – «Мо  барои   рушду  тақвият бахшидани  ҳамкориамон  тирамоҳи  соли  ҷорӣ  табибони  Олмонро  ба  Тоҷикистон   даъват  карданием.  Ҷарроҳони  ин  кишвар   дар  доираи  сафарашон  чандин  амалиёти мураккаби  ҷарроҳиро  анҷом  медиҳанд», — гуфт  зимни  суҳбат бо  хабарнигори АМИТ «Ховар»  мудири   шуъбаи ҷарроҳии пластикии  Маркази илмии ҷумҳуриявии ҷарроҳии дил ва рагҳои  хун Абдумалик  Давлатов.
Мувофиқи  суханони   Абдумалик  Давлатов, аз  ин  пеш  ҳамаи  мутахассисони  шуъба барои таҷрибаомӯзӣ ба  Федератсияи  Русия,  Австрия,  Олмон ва  Амрико  сафар  карда буданд.
Табибони  Олмон  дар  ҷараёни  сафарашон  чандин  амалиёти  ҷарроҳии  нодирро  анҷом  медиҳанд. 
Ба  гуфтаи Абдумалик  Давлатов, алҳол  дар  шуъбаи  ҷарроҳии  пластикӣ  беш  аз  200  намуди ҷарроҳии  таъҷилӣ  рӯи  кор оварда  мешавад. 
Мудири  шуъбаи  ҷарроҳии  пластикӣ  дар  мавриди  рушди  соҳаи  ҷарроҳӣ  иброз  дошт, ки  имрӯз  шаҳрвандони  Тоҷикистон  барои бархурдор  шудан аз  хидмати ҷарроҳони  бахши  пластикӣ ҳоҷати рафтан  ба хориҷаро  надоранд. 
«Имрӯз  дар  шуъбаи  мо ҳамаи  намудҳои  амалиёти  ҷарроҳии  пластикӣ сурат  мегиранд», —  афзуд Абдумалик  Давлатов,