Ҷоизагирандагони ба номи Абӯабдулло Рӯдакӣ дар соли 2014

Душанбе, 7 .08. 2014. (АМИТ «Ховар», Зарангези Латиф).- Бо қарори Ҳукумати Ҷумҳурии Тоҷикистон ва фармони Президенти мамлакат Эмомалӣ Раҳмон аз 1-уми августи соли ҷорӣ барои муайян намудани шахсиятҳои маъруфи кишвар дар соли 2014 ба як қатор олимону донишмандони соҳаи адабиёт, санъат меъморӣ ва журналистика Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ супорида шуд.Аз ҷумла Ҷоизаи давлатии Ҷумҳурии Тоҷикистон ба номи Абӯабдуллои Рӯдакӣ дар соҳаи адабиёт ба Атахон Сайфуллоев -доктори илмҳои филологӣ, барои рисолаи «Уфуқҳои тозаи наср»; ба Мирзо Файзалӣ — Шоири халқии Тоҷикистон , барои маҷмӯаи ашъори «Гулхори чида-чида»; дар соҳаи меъморӣ ба Муқимов Рустам Самадович — доктори илмҳои меъморӣ , барои «Энциклопедия памятников арийской культуры Центральной Азии. Таджикистан.»(Энсиклопедияи ёдгориҳои фарҳанги ориёии Осиёи Марказӣ. Тоҷикистон.).Ҷоизаи байналмиллалӣ дар соҳаи тарҷума , пажӯҳиш ва тарғиби адабиёти тоҷик дар мамлакатҳои хориҷӣ ба шоири рус Синелников Михаил Исаакович, барои маҷмӯаи «Огненные знаки» («Рамзҳои озарин»), барои тарҷума ва тарғиби назми тоҷик дар Федератсияи Русия.