Ҷоизаи «Судяи сол» — ба судяи арзанда

Душанбе, 04.08.2014. (АМИТ «Ховар», Муқаддас Темурзода).- Ҳафтаи сипаригардида дар Раёсати Шўрои адлияи Ҷумҳурии Тоҷикистон дар вилояти Хатлон бо иштироки Муовини якуми Раиси Шўрои адлия Ҷ. Саидзода ҷаласаи якҷояи Раёсати Шўрои адлия, ҷиҳати омўзиши мўҳтаво ва татбиқи дастуру супоришҳои Президенти Ҷумҳурии Тоҷикистон, ки дар суханронии хеш, зимни мулоқот бо ҳайати роҳбарии мақомоти ҳифзи ҳуқуқ ва сохторҳои низомӣ иброз гардиданд, баргузор гардид. Дар кори ҷаласа кормандони Суди вилояти Хатлон, судҳои иқтисодӣ ва ҳарбии гарнизони Хатлон, судҳои шаҳру ноҳияҳои вилояти Хатлон иштирок намуданд.Нахуст, Ҷ. Саидзода доир ба роҳ мондани ташкили омўзиши маърўзаи Президенти кишвар зимни мулоқот бо роҳбарон ва кормандони прокуратура, дигар мақомоти ҳифзи ҳуқуқ ва сохторҳои низомӣ, инчунин андешидани чораҳо бобати дар мӯҳлатҳои бо қонун пешбинигардида баррасӣ намудани парвандаҳои ҷиноятӣ, бахусус марбут ба ҷиноятҳои аз ҷониби гурўҳи муташаккил содиршуда, экстремистӣ (ифротгароӣ), терроризм, ҷиноятҳои хусусияти коррупсионидошта, хариду фурӯши одамон, муомилоти ғайриқонунии маводи нашъадор, ноболиғон ва нисбат ба онҳо қабул намудани қарорҳои қонуниву асоснок баромад намуда, диққати ҳозиринро ҷалб намуд.Ҳамзамон, дар ҷаласа маърўзаҳои муовинони раиси Суди вилоят, Раиси суди ноҳияи Бохтар бобати мўҳтавои суханронии Сарвари Давлат шунида шуданд. Инчунин дар ҷамъомади мазкур фаъолияти судҳо бобати баровардани ҳукмҳои сафедкунанда, тағйир додани банду басти парвандаҳо, ба тафтиши иловагӣ баргардонидани парвандаҳо, дар истеҳсолоти судяҳо (судҳо) қатъ намудани парвандаҳо, ки дар суханронии Сарвари Давлат зикр гардидааст, мавриди муҳокима қарор дода шуда, пешниҳод гардид, ки зимни пешниҳоди номзадҳои арзанда ба ҷоизаи «Судяи сол» дар баробари надоштани бекоршавии санадҳои судӣ ҳолатҳои зикргардида низ ба назар гирифта шаванд.