14 гурӯҳи ёрии таъҷилӣ дар арафаи СҲШ

Душанбе, 21.08.2014. (АМИТ «Ховар», Екатерина  Пасторова). – Беморхонаи дармонбахши  ёрии таъҷилии  пойтахт ба  ҳамоиши СҲШ  бо дарназардошти   зарурати таъҷилӣ  тайёрӣ  мебинад. 
«Мо 14 мошини  сайёр  ва  гурӯҳи  ёрии таъҷилиро омода  карда,  дар  мавриди  зарурат  шумораи  гурӯҳҳоро  афзун  намуда,  барои  фаъолиятамон ҳамаи  таҷҳизоти  заруриро  дорем», — гуфт  зимни  суҳбат  бо  хабарнигори  АМИТ «Ховар»  муовини  сардухтури  беморхонаи  дармонбахши ёрии таъҷилии  шаҳр  Абдулло  Сафаров. 
Ба  гуфтаи  номбурда,  то 9  сентябр  ҳамаи онҳое, ки  бояд дар рӯзҳои  ҳамоиш  фаъолият  дошта бошанд, дар  курси  махсус  таҷриба  андӯхта,  дастурҳои  дахлдор  мегиранд.