32 нишони таэквандочиёни кишвар аз Ҷоми ҷаҳон
Душанбе, 11.08.2014 (АМИТ “Ховар”, Фарзонаи Давлат).- Варзишгарони кишвар оид ба таэквандо дар Чемпионати ҷаҳон байни наврасон ва собиқадорон оид ба таэквандо (ITF), ки аз 7-ум то 10-уми август дар шаҳри Душанбе бо иштироки 600 варзишгар аз 52 кишвари олам ҷараён дошт, 32 нишон ба даст оварданд ва мақоми сеюмро ишғол карданд.Дар ин мусобиқаи ҷаҳонӣ Тоҷикистонро 43 варзишгар намояндагӣ мекард ва 9 нишони тилло,12 нуқра ва 14 биринҷӣ ба даст оварданд. Нишони тилло аз байни собиқадорон Рустам Зиёев, Фуркат Урунов, варзишгарон Баҳром Гадоев, Фируз Набиев, Суҳробҷон Зарипов, Ширинбону Набиева (ду тилло), Илҳом Одинаев, Маҳина Шодмонова ба даст оварданд.Дар мусобиқаи мазкур варзишгарон, ки барои 130 нишон байни ҳам рақобат мекарданд, Корея бо гирифтани 28 нишон, 18 тилло, 3 нуқра 7 биринҷӣ мақоми аввалро соҳиб гашт. Расия бо 37 нишон, 13 тилло, 12 нуқра 12 биринҷӣ мақоми дуюм ва Тоҷикистон бо 32 нишон 9 тилло, 12 нуқра, 14 биринҷӣ сазоворӣ ҷой сеюм дониста шуд. Ёдрас мешавем, ки Чемпионати мазкур бори нахуст дар таърихи Тоҷикистон бо дастгирии бевоситаи Президенти кишвар Эмомалӣ Раҳмон ва Федератсияи миллии таэквандо ва кикбоксинги Тоҷикистон, Федератсияи байналмилалии таэквандо роҳандозӣ ва гузаронида мешавад.