85 ҳазор доллар барои дохилшавӣ ба донишгоҳи тиббӣ

Душанбе, 26.08.2014. (АМИТ «Ховар», Муқаддас Темурзода). – Кормандони Агентии назорати давлатии молиявӣ ва мубориза бо коррупсияи ҶТ сокини ҷамоати Чортеппаи ноҳияи Рӯдакӣ Раъно Раҷабоваро тибқи айбнома аз рӯи моддаи 247 банди 4 (қаллобӣ) – и Кодекси ҷиноятии ҶТ дастгир намуданд. Назар ба хабари Агентии мазкур, шаҳрванд З.К. дар бораи аз вай гирифтани пора шикоятнома пешниҳод кардааст. Дар ҷараёни тафтишот маълум шуд, ки Раъно Раҷабова моҳи феврали соли 2012 аз шаҳрванд З.К. барои дохил шудани писари номбурда ба донишгоҳи тиббӣ 85 ҳазори доллари амрикоӣ гирифта, вале ба ваъдааш вафо накардааст. Тафтишот аз рӯи ин қазия идома дорад.