Афзоиши истеҳсоли маҳсулотҳо дар Ҳамадонӣ

Ҳамадонӣ, 2.08.2014. (АМИТ «Ховар», Сулаймон Холов).- Дар ноҳияи Мир Сайид Алии Ҳамадонӣ истеҳсоли маҳсулотҳои саноатӣ афзоиш ёфта пешравиҳо дар ин самт ба назар мерасад. Бино ба иттилои раиси ноҳия Вализода Абдулқодир дар давоми шаш моҳи соли ҷорӣ 3220 т орд истеҳсол карда шуда, нисбат ба ҳамин давраи соли гузашта ҳаҷми истеҳсоли он 101, 9 %,намак 126,6%, шарбат 111,7%, зиёд гардид. Ба гуфтаи манбаъ ҳиссаи корхонаҳои шахсии саноатӣ дар ҳаҷми умумии истеҳсоли маҳсулоти саноатӣ 59,1 %-ро ташкил дода, айни ҳол дар ноҳия аз тарафи соҳибкорон сохтмони корхонаи коркарди намак дар деҳаи Муҳрвари ҷамоати деҳоти Чубек, корхонаи коркарди маҳсулотҳои кишоварзӣ дар деҳаи Сафар Гадоии ҷамоати деҳоти Панҷруд, 3 адад сехи дӯзандагӣ дар деҳаи Сайроби ҷамоати деҳоти Панҷоб ва дар ҳудуди дигар ҷамоатҳои деҳот низ сохтмони сехҳои дузандагию қаннодӣ босуръат идома дорад.