Баррасии нақши гурӯҳҳои тафтишотӣ дар амалиёт

Душанбе, 12.08.2014. (АМИТ «Ховар», Мавҷуда Анварӣ).- Аз 11 то 15 августи соли 2014 дар шаҳри Душанбе семинар дар мавзӯи “Мусоидат ба рушди ҳамкории минтақавӣ дар соҳаи интиқоли назоратшаванда ва фаъолияти гурӯҳҳои тафтишотии муштарак” баргузор гашта истодааст, ки аз тарафи раёсати СММ оид ба маводи нашъаовар ва ҷинояткорӣ дар якҷоягӣ бо Созмони Ҳамкорӣ ва Амният дар Аврупо (САҲА) дар чорчӯбаи Барномаи минтақавии раёсати СММ дар Афғонистон ва кишварҳои ҳамсоя ташкил карда шуд.Дар кори семинар намояндагони мақомоти ҳифзи ҳуқуқи Қирғизистон, Қазоқистон, Тоҷикистон, Эрон ва Афғонистон, созмонҳои байналмиллалӣ ва Маркази Осиёимиёнагии минтақавии ҳамоҳангсозии иттиллотӣ ширкат доранд. Масъалаҳои дастгирии ҳамкорӣ байни кишварҳои минтақа ва берун аз он, пешниҳод намудани иттилоот оид ба арзёбии хатар, ҷанбаҳои ҳуқуқӣ ва фаврии интиқоли назоратшаванда, нақши гуруҳҳои тафтишотӣ дар амалиёт, коркард ва ворид намудани тағйирот ба қонунҳо, ки барои ташкил ва гузаронидани амалиёт заруранд, дар семинар баррасӣ мегарданд.