Боз ҷои кор барои 45 нафар

Душанбе, 13.08.2014. (АМИТ «Ховар», Мавҷуда Анварӣ).- Дар шаҳри Конибодом корхонаи истеҳсоли хишт ба фаъолият оғоз намуд.Тавре аз мақомоти иҷроияи ҳокимияти давлатии шаҳри Конибодом хабар доданд, дар маросими ифтитоҳи корхона роҳбарияти шаҳр, саҳҳомони корхона ва фаъолон иштирок намуданд.Иқтидори солонаи корхона ба истеҳсоли 6,2 миллион дона хишт баробар буда, дар он 45 нафар бо ҷои кор таъмин мешаванд.Корхонаи мазкур аз ҷониби соҳибкор Баҳодур Ғаниев дар якҷоягӣ бо ҶС ба номи Э. Бойматова таъсис ёфта, дар назар аст, ки дар он истеҳсоли масолеҳи дигари сохтмонӣ низ ба роҳ монда шавад.