Бунёди 85 иншооти варзишӣ дар Суғд

Душанбе, 20.08.014. (АМИТ “Ховар”, Ситораи Боймурод).- Раванди бунёди иншооти гуногуни варзишӣ дар шаш моҳи соли ҷорӣ дар вилояти Суғд вусъат ёфта, дар ин давра 85 иншооти варзишӣ, аз ҷумла 66 адад майдонча, 14 толор, 1  иншооти муҷтамеъ ва боз чанд толор мавриди баҳрабардорӣ қарор гирифтааст.
Дар ин бора аз Раёсати ҷавонон, варзиш ва сайёҳии вилоят иттилоъ доданд.
Ба иттилои манбаъ, ҳамзамон дар шаҳру навоҳии Исфара, Хуҷанд, Қайроққум, Истаравшан, Ашт бунёди майдону толорҳои варзишӣ бо маром  ҷараён дорад.
Ёдрас мешавем, ки  дар нимсолаи аввали соли 2014 варзишгарони вилоят дар мусобиқоти гуногун 1676 медал — 505 тилло, 459 нуқра ва 712 биринҷӣ ба даст оварданд.