Бунёди зиёда аз 105 000 метр манзил дар 7 моҳ

Душанбе, 14.08.2014. (АМИТ «Ховар», Мавҷуда Анварӣ).- Дар 7 моҳи соли равон аз ҳисоби буҷети пойтахт ва маблағҳои соҳибкорон дар Душанбе 105 ҳазору 400 метри мураббаъ манзили истиқоматӣ, 27 ҳазору 800 метри мураббаъ нуқтаи савдо, 11 ҳазору 600 метри мураббаъ майдони варзишӣ, 7,72 километр роҳ ва корхонаи истеҳсоли хишт бо иқтидори истеҳсолии солонаи 5 миллион дона хишт ба истифода дода шуд, — иттилоъ додааст сомонаи расмии дастгоҳи раиси шаҳр. Дар ин давра беш аз 3000 кас ба корҳои муваққатӣ фаро гирифта шуд. Баъди мавриди баҳрабардорӣ қарор ёфтани иншоот наздики 1,5 ҳазор кас кори доимӣ пайдо намуд.