Чорабиниҳои фарҳангӣ бахшида ба 600-солагии А. Ҷомӣ

Душанбе, 07.08.2014 (АМИТ “Ховар”, Фарзонаи Давлат).-Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва сохторҳои он дар шаҳру ноҳияҳо бахшида ба 600-солагии Абдураҳмони Ҷомӣ зиёда аз 20 чорабиниҳои фарҳангӣ дар шаҳру ноҳияҳои кишвар гузаронида шудааст. Тавре ки дар ин бора мудири бахши иттилоотии таҳлилии Кумитаи ҷавонон, варзиш ва сайёҳӣ хабар дод, то имрўз дар ин мавзуъ дар вилоятҳои Хатлон,Суғд , ВМКБ ва ноҳияҳои тобеи марказ аз ҷониби ҷавонон чорабиниҳои фарҳангӣ баргузор гардид, ки намунае аз онҳо тариқи шабакаҳои телевизонӣ намоиш дода шудааст. Ба иттилои мавсуф, ҳадаф аз ин икдом, ҷавононро аз осори гузаштагони худ аз наздик шинос намудан, ва ба ин васила фарҳанги хешро тақвият додан аст.