Дар Анқара симои «зиндаи» Отатуркро офариданд

Душанбе, 28.08.2014. (АМИТ «Ховар», Фарангис  Раҳимова). –  Қариб 6000  нафар  ихтиёриёни  шаҳри  Анқара  тавре  саф  кашиданд, ки симои бузургтарини «зиндаи» асосгузори  Туркия  Мустафо  Камол   Отатурк  офарида шуд.
Ин  чорабинӣ  26  август,  дар  арафаи  Рӯзи  ғалаба  дар  ҷанги  солҳои  1919 – 1922 – и Юнону  Туркия, ки баъди он  истиқлолият  ба даст омад, роҳандозӣ  шуд. Иштирокдорони  чорабинӣ, ки  либосҳои  сиёҳ  дар  бар  карда буданд,  тайи  ним  соат  дар   нуқтаҳои  зарурӣ  истода,  ангуштонашонро болои  сар  карда, акси  дилро  офарида буданд. 
Дар  ин  маросим  мушоҳидони  Китоби рекордҳои  Гиннес  низ  дар  майдони мақбараи Аниткабир, воқеъ дар  шаҳри  Анқара  ширкат  доштанд.
Моҳи  ноябри соли  2012 дар  шаҳри  Измир ва  соли  2013 дар  шаҳри  Бурси  Туркия  низ  чунин   чорабиниҳо доир  шуда буданд, ки дар  онҳо  ҳазорҳо  нафар   сокинони  кишвар  иштирок  доштанд.