“Динамо”- барандаи Ҷоми Тоҷикистон- 2014

Душанбе, 25.08.2014 (АМИТ «Ховар», Фарзонаи Давлат).- Дастаи «Динамо»-и Душанбе барандаи Ҷоми Тоҷикистон- 2014 оид ба футзал гардид.
Мусобиқа барои ҶомиТоҷикистон оид ба футзал дар шаҳри Хуҷанд бо иштироки ҳашт даста, дар марҳилаи ниҳоӣ, дастаҳои шаҳри Душанбе — DISI, «Бонки миллӣ», «Газпром» ва «Динамо», инчунин тимҳои вилояти Суғд — «Эсхата», «Сипар», «Имон Интернешнл»ва «Ал-Маъруф» ҷараён дошт.
Тавре ки дар ин бора аз Кумитаи миллии олимпии кишвар хабар доданд, дастаҳои «Динамо» ва «Бонки миллӣ», ки бозиҳои марҳилаи ниҳоиро бомуваффақият анҷом доданд, ба финал баромаданд.  
Дар бозии ниҳоӣ «Динамо», ки бар «Бонки миллӣ» пирӯз шуд, Ҷоми Тоҷикистонро ба даст овард. Замони асосии ин бозӣ бо ҳисоби мусовии 3-3 хотима ёфт. Аз рӯи силсилаи пеналтӣ «Динамо» бо ҳисоби 4-2 ғолиб омад.