Эълони натиҷаҳои озмуни тақсимот дар ММТ

Август 14, 2014 09:31

Душанбе, 14.08.2014. (АМИТ «Ховар», Зарангези Латиф).- 15-уми августи соли ҷорӣ дар Маркази миллии тестии назди Президенти Ҷумҳурии Тоҷикистон натиҷаҳои озмуни тақсимот ба ихтисосҳои интихобкарда эълон мегарданд. Довталабоне, ки тибқи натиҷаҳои озмуни тақсимот ба ин ё он ихтисоси интихобкардаашон тақсим карда мешаванд, бояд на дертар аз 25 август ба Муассисаи таҳсилоти олии касбӣ (МТОК)-и дахлдор ҳозир шуда, ба комисияи қабули он муроҷиат намоянд. Тибқи иттилои Ситорабону Назарова, сухангӯи марказ дар сурати бо сабабҳои узрнок дар муҳлати муқарраргардида имконпазир набудани ҳозиршавии довталаб ба МТОК, довталабро зарур аст, ки сари вақт- то 25 август МТОК-ро дар ин хусус тавассути намояндаи худ хабардор карда, ҳуҷҷатҳои заруриро пешниҳод намояд.Ёдрас менамоем, ки 15 август рӯйхати довталабоне, ки тибқи натиҷаҳои озмун ба ихтисосҳо тақсим шудаанд, ба муассисаҳои таҳсилоти олии касбӣ пешниҳод мегардад. Ҳамзамон бояд таъкид намуд, ки тибқи тартиби муқарраргардида дар сурати сари вақт, яъне то 25-уми август ба муассисаи таҳсилоти олии касбии дахлдор ҳозир нашудани довталаб ва пешниҳод накардани ҳуҷҷатҳои зарурӣ довталаб аз ҳуқуқи қабул шудан ба ихтисоси тақсимшуда маҳрум мегардад ва ҷойҳои аз ин ҳисоб холимонда барои тақсимоти такрорӣ эълон мешаванд.

Август 14, 2014 09:31

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд