Эътимодномаи Сафири нави Тоҷикистон ба Президенти Қазоқистон

Душанбе, 13.08.2014 (АМИТ «Ховар»).- 12 августи соли 2014 Сафири Фавқулода ва Мухтори Ҷумҳурии Тоҷикистон дар Ҷумҳурии Қазоқистон Назирмад Ализода ба Президента Ҷумҳурии Қазоқистон Нурсултон Назарбоев Эътимоднома супорид.Баъд аз маросими ташрифотӣ Сафир ба Президенти Қазоқистон Нурсултон Назарбоев Паём ва арзи эҳтироми Президенти Ҷумҳурии Тоҷикистон Эмомалӣ Раҳмонро расонид.Зимни суҳбат Нурсултон Назарбоев аз муносибатҳои дӯстонаи дуҷониба ёдовар шуда, қайд намуд, ки Тоҷикистон барои Қазоқистон шарики муҳим дар минтақаи Осиёи Марказӣ мебошад.Ҳамзамон Сарвари давлати Қазоқистон таъқид намуд, ки рӯзҳои наздик ба Тоҷикистон ҷиҳати иштирок дар ҷаласаи Сарони давлатҳои узви Созмони ҳамкории Шанхай (11-12 сентябр 2014) сафар хоҳад кард.