Фармондеҳии ИМА ба АНМН таҷҳизот супорид

Душанбе, 29.08.2014. (АМИТ «Ховар», Мавҷуда Анварӣ).-  Дирӯз ба Агентии назорати маводи нашъаовари кишвар аз ҷониби Сафорати ИМА дар Тоҷикистон ба маблағи 576 ҳазор доллари ИМА таҷҳизот оварда шуд.
Таҷҳизоти мазкур дар доираи кумаки «Барнома оид ба мубориза бар зидди маводи нашъаовари Сафорати ИМА дар Тоҷикистон» супорида шуд ва он аз воситаҳои алоқа, тоскулоҳ, камзӯли тирногузар, дастгоҳи мушоҳидаи шабонаю рӯзона ва дурбин иборат мебошад.
Дар маросими имзои санади қабул муовини директори агентӣ Ҳ. Маҳмудзода ва роҳбари «Барномаи мубориза бар зидди маводи нашъаовари Сафорати ИМА дар Тоҷикистон» Брент Пешта иштирок намуданд.
Ҳ. Маҳмудзода ба Сафорати ИМА дар Тоҷикистон арзи сипос кард ва онҳоро бовар кунонид, ки ҳамаи таҷҳизоти супорида шуда дар фаъолияти ҳамарӯзаи агентӣ самаранок истифода  мешавад.
Брент Пешта иброз намуд, ки Сафорати ИМА дар Тоҷикистон кӯшиш дорад ҳамкории худро бо кишварҳои Осиёи Марказӣ, аз ҷумла бо Тоҷикистон васеътар намояд.