Форуми байнипарлумонӣ Тоҷикистону Русияро қаринтар мегардонад

Душанбе, 13.08.2014.(АМИТ «Ховар», Марзия Саидзода).-Интизор меравад, ки охири моҳи октябри соли равон дар шаҳри Маскав Форуми байнипарлумонии «Тоҷикистону Русия: ҳамкориҳои байниминтақавӣ» баргузор гардад. Ҳадафи ин чорабинии муҳим густариши робитаҳои байнипарлумонӣ, таҳкими ҳамкориҳои иқтисодию тиҷоратии Тоҷикистоун Русия мебошад. Бояд тазаккур дод, ки Русия барои Тоҷикистон натанҳо шарики стратегӣ балки иқтисодию тиҷоратӣ маҳсуб ёфта, нақши ин кишвар дар пешрафти иқтисодиёти Тоҷикистон муҳим арзёбӣ мегардад. Тибқи омори Вазорати рушди иқтисод ва савдои Ҷумҳурии Тоҷикистон дар ин давра 34 %-и ҳаҷми содироти Тоҷикистон ба Русия рост омада, воридоти маҳсулот аз Русия ба Тоҷикистон беш аз 61%-ро ташкил медиҳад.