Хатнасури 23 нафар кӯдак дар Хуҷанд

Душанбе, 21.08.2014. (АМИТ “Ховар”, Ситораи Боймурод).-Тибқи дастуру супоришҳои Сарвари давлат Эмомалӣ Раҳмон ҷиҳати дастгирии ниёзмандон ва бахшида ба 23-юмин солгарди Истиқлолияти Ҷумҳурии Тоҷикистон, 20-солагии қабули Сарқонуни Ҷумҳурии Тоҷикистон ва 20-солагии таъсиси ҲХДТ дар «Маркази фарҳанг»-и шаҳри Хуҷанд хатнасури 23 нафар кӯдак аз оилаҳои ниёзманд баргузор гардид.
Тавре ки дар ин бора хадамоти матбуоти  раиси вилояти Суғд хабар додааст, ин кори хайр аз ҷониби Кумитаи иҷроияи Ҳизби Халқии Демократии Тоҷикистон дар шаҳри Хуҷанд роҳандозӣ гардидааст.
Гуфта мешавад, ки дар чорабинӣ илова бар масъулини мақомоти дахлдор ҳамчунин пайвандони кӯдакон иштирок намуданд.