Иқдоми «Тозагии соҳил-2014» дар пойтахт

Душанбе, 8.08.2014. (АМИТ «Ховар», Назир Назиров).- Чанде пеш дар доираи иқдоми «Тозагии соҳил-2014» дар ноҳияи Исмоили Сомонӣ, МД «Кӯли Ҷавонон» ва як қисми масоҳати чойхонаи «Тахти Наврӯз»-и пойтахт барои тоза намудани партовҳои маишию сохтмонӣ маъракаи ҳашар гузаронида шуд. Дар робита ба ин Сайдамин Маҳмадаминов-сардори шуъбаи назорати давлатии истифода ва ҳифзи захираҳои об ба АМИТ «Ховар» иброз намуд, ки мақсади ин иқдом аз як тараф пешгирии ифлосшавии манбаҳои обӣ бошад, аз тарафи дигар ба баланд бардоштани маърифати экологии шаҳрвандон-сокинони пойтахт мусоидат менамояд.Дар ин иқдом 150 нафар корманди Кумитаи ҳифзи муҳити зист, Агентии беҳдошти замин ва обёрӣ, Муассисаи давлатии «Раёсати истифодабарии роҳҳо» ва МД «Кӯли Ҷавонон» иштирок намуданд.