Ифтитоҳи қабулгоҳи ҷамъиятӣ дар Исфара
Душанбе, 14.08.2014. (АМИТ «Ховар», Лайло Тоирӣ).- Мақомоти Ваколатдор оид ба ҳуқуқи инсон дар Ҷумҳурии Тоҷикистон ва Мақомоти иҷроияи маҳаллии ҳокимияти давлатии шаҳри Исфара дар ҳамкорӣ бо Барномаи Рушди СММ дар доираи тадбиқи Лоиҳаи «Таҳкими волоияти қонун ва ҳуқуқи инсон бо мақсади тақвияти имконияти одамон дар Тоҷикистон» бо мақсади таъмини кафолатҳои конститутсионии ҳифзи ҳуқуқи инсон ва риояи ҳуқуқ ва озодиҳои инсон аз тарафи мақомоти давлатӣ, ташкилотҳо ва шахсони мансабдор 11 август дар шаҳри Исфара муаррифии қабулгоҳи ҷамъиятиро доир намуд. Ваколатдор оид ба ҳуқуқи инсон дар Ҷумҳурии Тоҷикистон Зариф Ализода аҳли ҷамоати шаҳри Исфараро бо фаъолияти Ваколатдор оид ба ҳуқуқи инсон дар Ҷумҳурии Тоҷикистон шинос карда, дар мавриди таъсиси қабулгоҳи ҷамъиятӣ дар ин шаҳр ва ҷалби аҳолӣ дар фаъолияти он сухан гуфт. Қабулгоҳи ҷамъиятӣ сохтори ёрирасон ва машваратӣ буда, фаъолияти он ба қабул ва баррасии муроҷиати шаҳрвандон, гузаронидани мониторинг ва чорабиниҳои омӯзишӣ дар соҳаи ҳуқуқи инсон, ба роҳ мондани ҳамкорӣ бо мақомоти давлатӣ, баланд бардоштани маърифати ҳуқуқии аҳолӣ, барқарор намудани ҳуқуқҳои вайроншудаи аҳолӣ ва гурӯҳҳои осебпазир равона мешавад. Ҳамчунин Зариф Ализода дар қабулгоҳи ҷамъиятии навтаъсис муроҷиати 3 нафар сокини шаҳри Исфараро шунид.Дар ин бора аз Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






