Истифодаи компютерҳо дар дорухонаҳо

Август 18, 2014 11:56

Душанбе, 18.08.2014. (АМИТ «Ховар», Елена  Батенкова). – «Ба  манзури  беҳдошти  фаъолияти  дорухонаҳо  ва  хадамоти  мо  дар   кишвар  дорухонаҳо  бо  компютерҳо таъмин  карда  мешаванд. То имрӯз  қариб  980  дорухона  бо  компютер  таъмин  шудааст, ки  аз  ҷумлаи он қариб  700 – тоаш  почтаи  электронӣ  дорад, — гуфт   зимни  суҳбат бо   хабарнигори  АМИТ «Ховар»  муовини роҳбари Хадамоти  назорати давлатии  муассисаҳои  дорусозии  ҶТ  Маҳмадалӣ  Давлатов. 
Қобили  зикр  аст, ки дар  ҳар  кадоми дорухонаҳо то  800  номгӯи  доруҳои  шифобахш  мавҷуд  аст, ки ҳар  кадоми онҳо  бояд сертификати  сифат ва  ҳуҷҷатҳои  дигар  дошта  бошанд. 
«Мавҷудияти  компютер  дар  дорухона имкон  медиҳад, ки  барои  тафтиши   нозирон  заминаи  мусоид   фароҳам оварда шавад. Ин  тадбир   ҳамчунин   имкон  медиҳад, ки  аз  тағйироти  хадамотамон ва қонунҳо  дар  бораи  фаъолияти  дорусозӣ  ба мақомоти  марбута  сари вақт  хабар  диҳем», —  зикр  намуд  Маҳмадалӣ  Давлатов.
Ба  гуфтаи  муовини  роҳбари Хадамоти   назорати давлатӣ  дар  сурати  мавҷуд  набудани  сертификати  дору   аз   соҳиби  дорухона ба маблағи то   8  ҳазор  сомонӣ ҷарима ситонида  мешавад.
Ёдовар  мешавем, ки  то имрӯз  дар  ҷумҳурӣ 1780  дорухона  фаъолият  дорад. 

Август 18, 2014 11:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд