“Кӯкнор-2014” дар Ишкошим ва Роштқалъа

Душанбе, 13.08.2014. (АМИТ «Ховар», Мавҷуда Анварӣ).- Рӯзҳои 12 ва 13 августи соли 2014 дар ноҳияҳои Ишкошим ва Роштқалъа ҷаласаҳои кории ситоди вилоятии «Кӯкнор-2014” ва Шӯрои ҳамоҳангсозӣ оид ба пешгирии сӯистифодаи маводи нашъаовар баргузор гардиданд.Ҷаласаҳоро сардори раёсати Агентии назорати маводи нашъаовар М. Ҳайдарзода гузаронид. Дар кори ҷаласаҳо намояндагони мақомоти ҳифзи ҳуқуқ ва сохторҳои қудратӣ, мақомоти иҷроияи ҳокимияти маҳаллӣ, раёсатҳои ҷавонон, варзиш ва сайёҳӣ, маориф, фарҳанг, тандурустӣ, шуъбаи кор бо занон ва оила иштирок намуданд.Чорабиниҳои мазкур бо мақсади ташаккул додани корҳои пешгирикунандаи сӯистеъмоли маводи нашъаовар, тарғиби ҳаёти солим, инчунин ошкор ва қатъ намудани роҳҳои интиқоли маводи нашъаовар, гузаронидани корҳои фаҳмондадиҳӣ ташкил карда шуданд.