Кӯлоб: 44 амрия ҷиҳати манъи фурӯш

Кӯлоб, 20.08.2014.(АМИТ «Ховар», Сулаймони Хол).-Кормандони шуъбаи санҷишии Раёсати стандартизатсия, метрология, сертификатсия ва  нозироти  савдои  гурӯҳи  шаҳру   ноҳияҳои Кӯлоб  дар давоми  моҳи равон 162 корхона, ташкилот ва соҳибкоронро  мавриди санҷиш қарор дода, дар натиҷа 11 намуд маҳсулоти  ғайристандартиро ошкор карда, ба маблағи 2040 сомонӣ ҷарима таъйин карданд. Инчунин дар ин муддат  шуъбаи  назорати савдо дар  310  нуқтаи савдо ва хӯроки умумӣ санҷиш гузаронида, 50 амрияи ислоҳотӣ, 44  амрияи манъи фурӯш, 74 ҷарима ба соҳибкорон ба маблағи  16 ҳазору 560  сомонӣ муайян кард. Гуфта мешавад, ки дар зарфи ҳафт  моҳи соли ҷорӣ  кормандони Раёсати стандартизатсия, метрология, сертификатсия  ва нозироти  савдои  шаҳру ноҳияҳои  Кӯлоб  дар умум  1 ҳазору 643  корхонаву  ташкилот   ва соҳибкорро  мавриди санҷиш қарор додаанд.