М. Ҷалолов ба Ҷ. Мазумдар нусхаи Эътимоднома супорид
Душанбе, 30.08.2014 (АМИТ «Ховар).- 29 августи соли ҷорӣ Сафири Фавқулода ва Мухтори Ҷумҳурии Тоҷикистон дар Ҷумҳурии Ҳиндустон Мирзошариф Ҷалолов ба Сардори Ташрифоти Вазорати корҳои хориҷии Ҷумҳурии Ҳиндустон Ҷайдип Мазумдар нусхаи Эътимоднома супорид.
Дар рафти мулоқот масъалаҳои ҳамкориҳои дуҷониба байни Тоҷикистону Ҳиндустон, маросими супоридани Эътимоднома ба Президенти Ҷумҳурии Ҳиндустон ва дигар расмиёти ташрифотии кишвари иқомат мавриди баррасӣ қарор гирифтанд.
Сафир дар навбати худ итминон дод, ки сайъу кӯшиши худро барои таҳким ва рушди муносибатҳои байни Тоҷикистону Ҳиндустон ба харҷ хоҳад дод.