М.Муҳаммадиев ҳайати тими мунтахаби кишварро муайян кард

 
Душанбе, 29.08.2014 (АМИТ «Ховар», Фарзонаи Давлат).-Мӯҳсин Муҳаммадиев, сармураббии дастаи мунтахаби футболи Тоҷикистон ҳайати дастаи миллии кишварро барои бозии дӯстона бо мунтахаби Беларус, ки 4-уми сентябри соли равон дар варзишгоҳи “Борисов-Арена”-и шаҳри Борисов баргузор мешавад, эълон кард.
Тавре ки дар ин бора аз ФФТ хабар доданд, Мӯҳсин Муҳаммадиев ба ҳайати даста 23 футболбоз- 13 нафар аъзои тими миллӣ аз тими «Истиқлол»-и Душанбе, 3 нафар — аз «Регар-ТадАЗ», 2 нафар  аз «Парвоз» ва як нафарӣ аз тимҳои «Вахш», ССКА «Помир», «Энергетик» ва «Хайр» шомил кардааст.
Ба иттилои манбаъ, аввалин бор аст, ки ба ҳайати мунтахаби кишвар дарвозабони 20-сола  Мӯъминҷон Гадойбоев аз дастаи «Парвоз»-и Бобоҷон Ғафуров даъват шудааст.