Муҳокимаи масоили даъват ба сафҳои артиш

Душанбе, 20.08.2014. (АМИТ «Ховар», Муқаддас Темурзода ). – Чанде пеш кормандони Агентии назорати маводи нашъаовари назди Президенти ҶТ якҷоя бо кормандони шуъбаи ВКД, комиссариати ҳарбӣ, прокуратура ва раисони маҳаллаҳои ноҳияи Фирдавсӣ бо сокинони бархе маҳаллаҳои пойтахт вохӯрӣ анҷом доданд. Назар ба хабари Агентии назорати маводи нашъаовари ҶТ, зимни вохӯриҳо масоили даъвати ҷавонон ба сафҳои Қувваҳои Мусаллаҳи ҶТ, ҷилавгирии ҷинояткорӣ, қонуншикании наврасон, суйиқасд ба ҷони инсонҳо ва худкушӣ, ҷудошавии оилаҳои ҷавон, гардиши ғайриқонунии маводи мухаддир ва нашъамандии ҷавонон муҳокима шуданд.