Муборизи бесаводӣ дар Тоҷикистон кист?

Душанбе, 5.08.2014. (АМИТ «Ховар», Мавҷуда Анварӣ). –«Нақши Шириншоҳ Шоҳтемур дар рушди маорифи Тоҷикистон» таҳти чунин унвон китоби нав бо теъдоди ҳазор дона ба нашр расид.Китоб ба қалами дотсенти Донишгоҳи давлатии Хоруғ, номзади илмҳои таърих, узви Иттиҳоди нависандагони Тоҷикистон Қурбон Аламшоев тааллуқ дорад.Маркази ҷумҳуриявии таълимию методии назди Вазорати маориф ва илми кишвар ва Институти илмҳои гуманитарии ба номи академик Баҳодур Искандарови Академияи илмҳои Тоҷикистон ин китобро ба нашр расонданд.Китоби мазкур ба 115-солагии Қаҳрамони Тоҷикистон Шириншоҳ Шоҳтемур бахшида шуда, дар он аз нақши Ш. Шоҳтемур дар таъсиси нахустин мактаби дунявии шӯравӣ дар деҳаи Хоруғ дар соли 1992, ифтитоҳи аввалин донишгоҳи олии тоҷикӣ «Таджикинпрос» ё Институти маорифи тоҷикӣ дар шаҳри Тошканд ва таъсиси Институти хоҷагии қишлоқ дар шаҳри Душанбе ҳикоят карда мешавад. Шириншоҳ Шоҳтемур дар тӯли солҳои дароз сардори ситоди ҷумҳуриявии маҳви бесаводӣ буд ва барои саросар босавод кардани тоҷикистониён хизматҳои арзанда кардааст.