Мулоқоти Қоҳир Расулзода бо Ли Чжентсзян

Душанбе, 5.08.2014. (АМИТ «Ховар», Зарангези Латиф).- Имрўз Сарвазири мамлакат Қоҳир Расулзода бо ноиби директори ситоди генералии Агробанки Ҷумҳурии мардумии Чин Ли Чжентсзян мулоқот кард.Зимни сўҳбат маҷмуи масъалаҳои марбут ба таҳким бахшидани ҳамкориҳо дар соҳаи кишоварзӣ, хусусан дастгирии хоҷагиҳои кишоварзии маҳаллӣ, баланд бардоштани ҳосилнокии заминҳои таъйиноти кишоварзӣ ва дар ҳамин замина афзун намудани ҳаҷми содироти маҳсулоти кишоварзии ҳосили нав ва хушкмева аз Ҷумҳурии Тоҷикистон ба Ҷумҳурии мардумии Чин мавриди баррасӣ қарор дода шуд.Тавре таъкид гардид, тақвияти ҳамкориҳои Агроинвестбонки Ҷумҳурии Тоҷикистон бо Агробанки Ҷумҳурии мардумии Чин ба манфиати ҷонибҳо буда, дар оянда ба болоравии муомилоти тиҷоратӣ ва ба роҳ мондани амалиётҳои муштараки бонкӣ бештар дар соҳаи кишоварзӣ мусоидат менамояд.