Нашри маҷмӯи иттилооти таъҷилии омор

 Душанбе, 18.08.2014. (АМИТ «Ховар», Мавҷуда Анварӣ).- Маърӯзаи «Вазъи иҷтимоию иқтисодии Ҷумҳурии Тоҷикистон» барои январ-июли соли 2014 аз чоп баромад.
Нашрияи ҳармоҳаи Агентии омори назди Президенти Ҷумҳурии Тоҷикистон маҷмӯи иттилооти таъҷилиро оид ба вазъи иҷтимоию иқтисодии мамлакат, субъектҳои Ҷумҳурии Тоҷикистон, соҳаҳо ва бахшҳои иқтисодиро барои моҳи охири ҳисобот ва аз аввали сол дар бар мегирад.
 
Дар нишондиҳандаҳои асосии иҷтимоию иқтисодӣ тавозун аз рӯи моҳҳои соли ҷорӣ ва гузашта оварда мешавад. Агентии омор гузоришро дар асоси маълумотҳое. ки аз вазорату идораҳои Ҷумҳурии Тоҷикистон пешниҳод шудаанд, таҳия менамояд.
 
Дар гузориш оид ба соҳаҳои муҳимтарини истеҳсолот, нақлиёт ва алоқа, робитаҳои иқтисодии хориҷӣ, бозори истеъмолӣ, нарх, молия, бозори меҳнат, сатҳи зиндагии аҳолӣ иттилооти васеъ пешниҳод мешавад.