«Пеш аз сафар бидон»-семинари маърифатӣ

Душанбе, 22.08.2014. (АМИТ «Ховар», Лайло Тоирӣ).- Бино ба гуфтаи кормандони Раёсати Хадамоти мухоҷирати Вазорати меҳнат, муҳоҷират ва шуғли аҳолӣ дар вилояти Суғд, барои баланд бардоштани сатҳи маърифати муҳоҷирони меҳнатӣ таҳти унвони «Муҳоҷирати бехатар» ва «Пеш аз сафар бидон» семинарҳои маърифатӣ нақши муҳим мебозанд. Бо назардошти ин, Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд  боз марҳилаи дуюми корҳои ташвиқотию тарғиботиро ба нақша гирифтааст. Дар ин самт Раёсат бо мақомоти иҷроияи маҳаллии ҳокимияти давлатӣ, ҷамоатҳои шаҳраку деҳот, ташкилотҳои ҷамъиятц ва созмонҳои байналмилалӣ ҳамкорӣ менамояд.
Дар чунин вохӯриҳо мутахассисон сокинони шаҳру ноҳияҳоро  дар бораи  тағйироту иловаҳо ва санадҳои нави қонунгузории Федератсияи Русия вобаста ба муҳоҷирати меҳнатӣ шинос менамоянд.
Дар ин бора аз шуъбаи муносибатҳои байналмилалӣ, робита бо ҷомеа ва ҳамватанони бурунмарзӣ хабар доданд.