«Пешгирии зӯроварӣ дар оила»-конфронс

Душанбе, 14.08.2014. (АМИТ «Ховар», Ситораи Боймурод).- «Пешгирии зӯроварӣ дар оила»- таҳти чунин унвон дар ноҳияи Бобоҷон Ғафуров мизи гирд доир гардид.Тавре ки дар ин бора хадамоти матбуоти раиси вилояти Суғд хабар додааст, мизи мудаввар бо ташаббуси бахши кор бо занон ва оилаи ноҳияи Бобоҷон Ғафуров доир шуд дар он директори лигаи занҳои ҳуқуқшиноси Ҷумҳурии Тоҷикистон — Зебо Шарипова, намояндаи лигаи мазкур дар вилояти Суғд — Хуршеда Мӯҳсинзода ва мудири бахши кор бо занон ва оилаи ноҳияи Бобоҷон Ғафуров Нигина Ҷӯраева бо 20 нафар раиси Шӯрои занони ҷамоатҳо мубодилаи афкор намуданд.Дар конфронс оид ба қонунҳои амалкунандаи Ҷумҳурии Тоҷикистон, пешгирии зӯроварӣ дар оила, нашъамандӣ дар байни занону духтарон, баланд бардоштани маърифати ҳуқуқии занон музокира сурат гирифт.Дар интиҳо тасмим гирифта шуд, ки дар ноҳияи Бобоҷон Ғафуров гурӯҳи кории махсус доир ба пешгирии зӯроварӣ таъсис дода шавад.