Роҳи хиёбони И.Сомонӣ кай боз мегардад?
Душанбе, 23.08.2014.(АМИТ «Ховар», Марзия Саидзода).-26 августи соли равон роҳи хиёбони Исмоили Сомонӣ, ки то муҷассамаи Абӯалӣ ибни Сино аз ибтидои моҳи август баста шуда буд, барои ҳаракати нақлиёт кушода мегардад.
Шавкат Саидов -котиби матбуотии раиси шаҳри Душанбе дар суҳбат ба хабарнигори АМИТ «Ховар» гуфт, ки дар ин муддат дар доираи омодагиҳо ба нишасти сарони кишварҳои узви Созмони ҳамкории Шанхай, ки 11-12 сентябр дар Душанбе доир мегардад, 2,5 километр роҳи хиёбони И. Сомонӣ таъмир карда шуд. Дар таъмири асосии роҳи хиёбони И. Сомонӣ, ки аз Қасри Президент то гардиши Қарияи Боло сурат гирифтааст, аз буҷети шаҳр 16,7 миллион сомонӣ харҷ гардидааст.