Сад рӯзи ободонӣ дар Мастчоҳ
Душанбе, 25.08.2014 (АМИТ «Ховар», Фарзонаи Давлат).- Бо ташаббуси бахши ҷавонон, варзиш ва сайёҳии ноҳияи Мастчоҳ дар саҳни мактаби варзишии наврасону ҷавонони ноҳия бо иштироки 50 нафар наврасу ҷавон дар доираи 100 рӯзи ободонӣ зери шиори»Мо ҷавонон ин Ватанро сабзу хуррам мекунем” шанбегӣ баргузор гардид.
Дар шанбегӣ ҷавонону наврасон атрофи биноро тоза намуда, дарахтонро сафед намуданд. Ҳамзамон ҷӯйборҳоро аз партовҳо тоза ва раҳҳои хирашудаи варзишгоҳро аз нав равшан намуданд.
Тавре ки дар ин бора мудири бахши иттилоотию таҳлилии Кумитаи ҷавонон, варзиш ва сайёҳии назди Ҳукумати Тоҷикистон Ҷалолиддин Нуров хабар дод, дар мактаби номбурда 900 нафар наврасу ҷавон аз рӯи 12 намуди варзиш тамрин менамояд, ки дар ин рӯз якҷоя бо кормандони Хоҷагии коммуналӣ ва шуъбаи эпидемиологии ноҳия 500 дона гули зеборо шинониданд.