Садамаҳои нақлиётии фоҷиабор
Душанбе, 19.08.2014. (АМИТ «Ховар», Муқаддас Темурзода).- Тавре ки ВКД ҶТ хабар медиҳад, ронандаи мошини тамғаи “ Lexus GX 450”, Шуҳрат Саъдуллоев, соли таваллудаш 1972, сокини ноҳияи Ҳисор ҳангоми ҳаракат аз самти ноҳияи Ҷ. Румӣ ба тарафи ноҳияи Қумсангир бехатарии ҳаракат дар роҳро таъмин карда натавониста, ба мошини тамғаи “Opel-Vektra”, ки ба шаҳрванд Раҳимбек Бурҳонов, соли таваллудаш 1967, сокини ноҳияи Қумсангир тааллуқ дошт, бархӯрдааст.
Дар натиҷа ронандаи мошини тамғаи “ Lexus GX 450 ” Ш. Саъдуллоев ва мусофираш Сайфиддин Туманов, соли таваллудаш 1981, истиқоматкунандаи ноҳияи Восеъ ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд. Мусофирони дигари мошини мазкур Абдураҳим Нуруллоев, соли тавалулдаш 1975 ва Зоиров Зубайдулло, соли таваллудаш 1978, сокинони шаҳри Душанбе ҷароҳатҳои ҷисмонӣ бардошта, дар беморхона бистарӣ гаштаанд.
Ҳамчунин ронандаи мошини тамғаи “Opel-Astra”, Гулмурод Ёров, соли таваллудаш 1973, истиқоматкунандаи ноҳияи Вахш ҳангоми ҳаракат аз самти ҷамоати деҳоти Машъал ба самти маркази ноҳияи Вахш аз уҳдаи идораи мошин набаромада, ба тарафи канори роҳ баромада, мошинро чаппа кардааст. Дар натиҷа худи ронанда Г. Ёров ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст. Мусофири мошини мазкур Фураймонбек Ашуров соли таваллудаш 1996, сокини ҳамин ноҳия ҷароҳати ҷисмонӣ бардошта, дар беморхона бистарӣ гаштааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






