Сафари мунтахаби миллии футболи Тоҷикистон ба Алмаато
Душанбе, 12.08.2014. (АМИТ Ховар, Ситораи Боймурод).- Дирӯз мунтахаби миллии футболи Тоҷикистон барои ширкат дар бозии дӯстона бо мунтахаби Қазоқистон ба Алмаато сафар кард. Тавре дар ин бора сомонаи Федератсияи футболи кишвар хабар додааст, бозии дӯстона байни дастаҳои мунтахаби миллии Қазоқистону Тоҷикистон имрӯз дар Варзишгоҳи марказии Алмаато баргузор мешавад.Ба бозии мазкур доварон аз Қирғизистон бо раҳбарии довари ФИФА Дмитрий Машенсеви хидмат мекунанд. Ба ӯ ёварони довари ФИФА Сергей Гришенкои ва Баҳодур Қучқорови ки ба гурӯҳи Равшан Ирматов дар Ҷоми ҷаҳон- 2014 дар Бразил дохил буд, кӯмак мекунанд. Довари эҳтиётӣ Рисбек Шакарбеков таъин шудааст. Ёдовар мешавем, ки дастаҳои мунтахаби миллии Қазоқистону Тоҷикистон пештар се бор бо ҳам рақобат кардаанд. Дар ду бозӣ футболбозони қазоқ пирӯз шудаанд ва як бозӣ бо натиҷаи мусовӣ анҷом ёфтааст.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
