Семинар — машварат дар Хадамоти муҳоҷират

Душанбе, 12.08.2014. (АМИТ «Ховар», Суғдмеҳри Маъруфзод).- Рўзи 14-уми августи соли равон дар Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон семинар — машварат дар мавзўи: «Шиносоии сардорони шуъба ва бахшҳои зерсохторҳои шаҳру ноҳияҳо бо ҳайати роҳбарикунандаи Дастгоҳи марказии Хадамоти муҳоҷират, баррасӣ ва ташкили масъалаҳои кор дар шаҳру ноҳияҳо дар самти муҳоҷирати меҳнатӣ, вазъи муҳоҷирати дохилӣ ва экологӣ дар ноҳияҳои тобеи ҷумҳурӣ, тартиби ҳуҷҷатгузориҳо, қабули шаҳрвандон ва ба роҳ мондани фаъолияти Хадамоти муҳоҷират дар тамоми шаҳру ноҳияҳо» бо иштироки кормандони дастгоҳи марказии Хадамоти муҳоҷират баргузор мегардад.Дар семинар — машварат ваколатҳои асосии Хадамоти муҳоҷират, проблема ва мушкилоти асосии муҳоҷирон, қонунгузориҳои нави Федератсияи Россия дар самти муҳоҷирати меҳнатӣ ва дигар паҳлўҳои он мавриди баррасӣ қарор хоҳанд гирифт.