Шаҳристон: таъсиси 641 хоҷагии нави кишоварзӣ
Душанбе, 28.08.2014. (АМИТ «Ховар», Раъно Нусратуллозода).-Дар ноҳияи Шаҳристон дурнамои таҷдиди хоҷагиҳои калонҳаҷми кишоварзӣ ба иҷро расид.
Тибқи иттилои Хадамоти матбуоти раиси вилояти Суғд ба ҷои 33 хоҷагии таҷдидшавандаи нақшавӣ 34 адад хоҷагии калонҳаҷм мавриди таҷдид қарор дода шуд.
Дар натиҷаи таҷдиди хоҷагиҳо 641 адад хоҷагии шакли нав таъсис ёфта, 545 адади он бо Сертификати ҳуқуқи истифодаи замин таъмин шуда, 96 адади дигар дар истеҳсолот қарор дорад.